2025-ci ilin yanvar–noyabr aylarında Azərbaycan 149,8 milyon dollar dəyərində meşə fındığı ixrac edib. Bu, 2024-cü ilin eyni dövrü ilə müqayisədə 35,9 milyon dollar və ya 31,5 faiz çoxdur.
Shimal.News xəbər verir ki, rəsmi məlumatlara görə, ixracın əsas hissəsini qabığı təmizlənmiş meşə fındığı təşkil edib.
Yanvar–oktyabr aylarında ölkədən 265,8 ton qabıqlı fındıq ixrac olunub. Bu ixracdan 706,6 min dollar gəlir əldə edilib. Qabıqlı fındıq əsasən Rusiya, Özbəkistan və İraqa göndərilib. Az miqdarda fındıq İspaniya və BƏƏ-yə də ixrac olunub.
Eyni dövrdə 15 mindən çox ton qabığı təmizlənmiş fındıq xarici bazarlara çıxarılıb. Bu məhsulun ixrac dəyəri 123,7 milyon dollar olub. Ən böyük alıcılar Rusiya, Almaniya, İtaliya, Türkiyə və İsveçrədir.
Bundan başqa, Azərbaycan fındığı bir sıra Avropa ölkələri və qonşu dövlətlərə də az həcmdə satılıb.
