Ekoloji Nəzarət üzrə YPX Bölüyünün əməkdaşları sərnişin avtobusunu psixoaktiv maddənin təsiri altında idarə edən sürücünü aşkarlayıblar.
Shimal.News xəbər verir ki, Zaqatala rayon sakini Elvin Məmmədov "Daewoo" markalı avtobusu idarə edərkən manevr qaydalarını pozduğu üçün saxlanılıb.
Sürücünün davranışı şübhə doğurduğundan onun tibbi müayinədən keçməsi təmin edilib. Müayinə nəticəsində psixoaktiv maddənin təsiri altında olduğu müəyyənləşib.
E.Məmmədov barəsində toplanmış materiallar məhkəməyə göndərilib və o, 20 gün müddətinə inzibati qaydada həbs edilib.
Baş Dövlət Yol Polisi İdarəsi sərnişindaşıma fəaliyyəti göstərən fiziki və hüquqi şəxsləri sürücülərə nəzarəti gücləndirməyə, avtobusları yalnız qanunvericiliyin tələblərinə cavab verən şəxslərə etibar etməyə çağırıb.
