Xaçmaz şəhərinin Nəriman Nərimanov küçəsində yerləşən parkda genişmiqyaslı yenidənqurma işlərinə start verilib.
Shimal.News xəbər verir ki, layihə "Şəhərsalma və Memarlıq İli" çərçivəsində icra olunur.
Parkın 6.000 kvadratmetrdən çox ərazisində yaşıllıq salınacaq, ağaclar və dekorativ gül kolları əkiləcək. Piyada yollarının 5.000 kvadratmetrdən çox hissəsinə tamet plitələri döşənəcək, oturacaqlar quraşdırılacaq.
Xaçmaz Rayon İcra Hakimiyyətinin başçısı Elnur Rzayev görülən işlərlə tanış olub və layihənin müəyyən edilmiş müddətdə, keyfiyyətlə başa çatdırılması üçün tapşırıqlar verib.
