Bu gün, 31 oktyabr gecə saat 01:00 radələrində Bakı-Quba yolunun 96-cı kilometrində, Siyəzən rayonu ərazisində yol-nəqliyyat hadisəsi baş verib.
Quba istiqamətində hərəkət edən "VAZ-2107" markalı avtomobil yoldan çıxaraq aşıb.
Hadisə zamanı yoldan keçən avtomobillərin sürücüləri aşmış nəqliyyat vasitəsindəki sürücünü çıxarmağa müvəffəq olublar. O, Siyəzən Rayon Mərkəzi Xəstəxanasına çatdırılıb.
Avtomobilin sürücüsü Şəki rayonunun Baş Göynük kənd sakini, 21 yaşlı Coşqun Əhmədovdur. O, hazırda xəstəxanada müayinədən keçirilir.
Qəzanın başvermə səbəbi araşdırılır.
