Bu ilin ilk 9 ayında Qusar, Quba, Şabran, Qəbələ və Şamaxıda hotellərin doluluq göstəriciləri ötən ilin eyni dövrü ilə müqayisədə aşağı düşüb.
Shimal.News xəbər verir ki, Dövlət Statistika Komitəsinin məlumatına görə, 2026-cı ilin yanvar-sentyabr aylarında ölkə üzrə hotellərdə gecələmələrin sayı ötən ilin eyni dövrü ilə müqayisədə 6,6 faiz azalıb.
Azalma şimal bölgəsinin bir sıra turizm rayonlarında da qeydə alınıb. Məsələn, Qusarda hotellərin doluluğu ötən ilin ilk 9 ayı ilə müqayisədə 33,4 faizdən 27,8 faizə, Qubada isə 21,8 faizdən 16,9 faizə düşüb.
Şabranda da azalma daha nəzərəçarpandır. Ötən ilin eyni dövründə hotellərin doluluğu 46,9 faiz olduğu halda, bu il 40,7 faiz təşkil edib. Qəbələ və Şamaxıda da göstəricilər bir qədər aşağı düşüb.
Gecələmələrin ümumi sayında Qusar və Xaçmazın payı da azalıb. Quba və Qəbələdə isə cüzi artım qeydə alınıb.
Qeyd edək ki, bu göstəricilər 2026-cı ilin ilk 9 ayına aiddir və oktyabr ayı üzrə hotel doluluğu və rezervasiya məlumatlarını əks etdirmir.
