Amsar kəndi Quba şəhərindən təxminən 3 km cənub istiqamətində, Ağçayın sahilində yerləşir.
Güman edilir ki, kəndin adı ərəb mənşəlidir və “böyük şəhər, ölkə, paytaxt və ya yaşayış məntəqəsi” mənasını verir. Həmin məlumata əsasən, ehtimal edilir ki, Azərbaycan torpaqlarında ərəb xilafəti hökm sürdüyü illərdə (VII-IX əsrlər) kənd nisbətən böyük və əhalisinin çox olduğuna görə Amsar adlandırılmışdır.
Tarixçi Abbasqulu Ağa Bakıxanov 1834-cü ildə rus çarı I Nikolayın əmri ilə məzuniyyətə çıxandan sonra Quba rayonunun Amsar kəndində, atasının malikanəsində yaşamağa başlayıb. Kənd Bakıxanovun dayısı olan Qubalı Fətəli xan tərəfindən ona bağışlanıb. Abbasqulu Ağa Bakıxanov Amsar kəndində 1819-cu ilə qədər yaşayıb. Hazırda burada onun ev-muzeyi fəaliyyət göstərir.
1915-ci ilə aid olan “Qafqaz təqvimi”ndə əhalinin siyahıya alınması məlumatına əsasən, Amsar kəndində 1137 nəfər yaşayıb. 2009-cu ilin rəsmi məlumatına görə, kəndin əhalisi 2629 nəfər təşkil edib.
İstinad edilən mənbələr:
