Fövqəladə Hallar Nazirliyinin Gəncə Regional Mərkəzinin keçmiş rəisi Rövşən Nəbiyev Qəbələ Regional Mərkəzinin rəhbəri vəzifəsinə gətirilib.
Fövqəladə hallar naziri, general-polkovnik Kəmaləddin Heydərovun müvafiq əmri ilə polkovnik-leytenant Ramin Orucov Gəncə Regional Mərkəzinin rəisi təyin olunub. Həmin mərkəzin əvvəlki rəisi Rövşən Nəbiyev isə Qəbələ Regional Mərkəzinə rəhbər təyin edilib.
Qeyd edək ki, Rövşən Nəbiyevin adı daha əvvəl Quba şəhərində, Qəçrəş yolu üzərindəki yaşayış massivində qanunsuz tikinti iddiası ilə bağlı xəbərlərdə hallanıb.
Quba Rayon İcra Hakimiyyəti həmin ərazidə qanunsuz tikintinin aparıldığını təsdiqləyib və aidiyyəti qurumlara məlumat verildikdən sonra tikintinin qarşısı alınıb.
Əldə edilən məlumata əsasən, sözügedən tikintinin Rövşən Nəbiyevə məxsus olduğu bildirilən 20 sot torpaq sahəsində aparıldığı və orada üçmərtəbəli qeyri-yaşayış obyektinin inşa edilməsinin planlaşdırıdığı iddia olunub.
Məsələ ilə bağlı yayılan məlumatlarda tikintinin qarşısının alındığı bildirilsə də, Rövşən Nəbiyevin bu iddialara münasibəti təqdim olunan məlumatlarda yer almır.
Mənbə: Unikal.az
