Zeynəddin Ramazan oğlu Çələbov 15 oktyabr 1933-cü ildə Qusar rayonunun Hil kəndində anadan olub.
Çələbov ibtidai təhsilini Hil kəndində alıb. 1956-cı ildə o, indiki Azərbaycan Dövlət Bədən Tərbiyəsi və İdman Akademiyasını bitirib. Həmin ildə Çələbov Qusar şəhər 1 saylı orta məktəbində bədən tərbiyəsi müəllimi vəzifəsində çalışmağa başlayıb. O, 1962-1967-ci illərdə indiki BDU-nun tarix fakültəsində oxuyub.
Zeynəddin Çələbov 1968-ci ildə Qusar şəhər internat məktəbinin direktoru vəzifəsinə təyin olunub. O, 1990-cı ildə Qusar Rayon Xalq Deputatları Sovetinin deputatı seçilib. Çələbov 1992-1993-cü illərdə Qusar Rayon İcra Hakimiyyətinin başçısı vəzifəsini tutub.
Yazıçı-jurnalist Elbrus Şahmar 2012-ci ildə Zeynəddin Çələbova “Qusar - beşiyim mənim” kitabını həsr edib.
Zeynəddin Çələbov 24 yanvar 2017-ci ildə vəfat edib.
İstinad edilən mənbələr:
