Bakı Beynəlxalq Avtovağzalının yaxınlığında başlayan cinayət Qaradağ postunda başa çatıb.
Balakən rayonunun Qullar kəndində qeydiyyatda olan, 1990-cı il təvəllüdlü İlkin Papaxov "Şəki" kafesinin ərazisindən "Chevrolet Cobalt LTZ" markalı avtomobili qaçırıb.
O, bu addımı valideyninin məzarını ziyarət etmək üçün rayona getmək məqsədilə atdığını bildirib. Təqsirləndirilən şəxs ifadəsində hadisə zamanı sərxoş olduğunu, maddi imkanı olmadığı üçün avtobusa minə bilmədiyini deyib.
Qaçırılan avtomobil polis əməkdaşları tərəfindən Qaradağ postunda saxlanılıb.
Avtomobilə ziyan dəymədiyindən zərərçəkən şəxs şikayətçi olmayıb. Cinayət işi üzrə təqsirli bilinən İlkin Papaxov 9 ay müddətinə azadlıqdan məhrum edilib.
Mənbə: Xitab24.az