I Liqada VIII turun son oyunları bu gün keçiriləcək. Qusar təmsilçisi ikinci pillədəki "Gəncəbasar"la qarşılaşacaq.
Shimal.News xəbər verir ki, turun diqqətçəkən görüşlərindən biri Binə qəsəbəsində baş tutacaq. Çempionatın lideri "Şahdağ Qusar" saat 14:00-da "Gəncəbasar"ı qəbul edəcək.
Eyni saatda "Şimal" Şamaxı Olimpiya İdman Kompleksinin stadionunda "Zaqatala" ilə üz-üzə gələcək.
Hər iki qarşılaşma saat 14:00-da başlayacaq.
Qeyd edək ki, turun dünən keçirilən oyunlarında "Mingəçevir" evdə "Baku Sportinq"ə 1:0, "Karvan-Yevlax" səfərdə "Xankəndi"yə 2:0 hesabı ilə qalib gəlib. MOİK – "Səbail" matçı isə qolsuz heç-heçə ilə başa çatıb.