Xaçmaz rayonunda yol polisi əməkdaşları tərəfindən keçirilən nəzarət tədbirləri zamanı sükan arxasında qadağan olunmuş maddənin təsiri altında avtomobil idarə edən iki nəfər saxlanılıb.
Shimal.News xəbər verir ki, sürücülər Hikmət Əsədov və Nicat Qafarov tibbi müayinədən keçirilib. Hər iki şəxsin nəqliyyat vasitəsini qadağan olunmuş maddənin təsiri altında idarə etdiyi müəyyən edilib.
Məhkəmənin qərarı ilə H.Əsədov və N.Qafarov barəsində inzibati qaydada həbs qətimkan tədbiri seçilib.
Qeyd edək ki, ilin əvvəlindən Xaçmaz rayonu ərazisində keçirilən profilaktik tədbirlər çərçivəsində sükan arxasında qadağan olunmuş maddənin təsiri altında avtomobil idarə edən 19 sürücü aşkarlanıb.
