Şəki və İsmayıllıda bu gündən etibarən fermerlərə müxtəlif sortlarda arpa və buğda toxumları təklif olunur.
Shimal.News xəbər verir ki, Kənd Təsərrüfatı Nazirliyi yanında Aqrar Xidmətlər Agentliyinin (AXA) "Aqroservis" ASC ilə birgə həyata keçirdiyi layihə çərçivəsində Şəki bölməsində və İsmayıllı rayonundakı "İvanovka Aqroparkı"nın ərazisində sertifikatlı toxum satışı təşkil olunur.
Fermerlər AXA-nın rəsmi internet səhifəsində toxum istehsalçıları, onların əlaqə vasitələri, yetişdirdikləri bitki növləri və sortları, toxumların reproduksiyası, eləcə də fəaliyyət göstərdikləri rayonlar barədə məlumat əldə edə bilərlər. Bu, təsərrüfatın tələbatına uyğun toxum seçməyə və istehsalçılarla birbaşa əlaqə qurmağa imkan verir.
