Qəbələ Rayon Məhkəməsinin sədrinin oğlu tərəfindən çoxsaylı bıçaq xəsarətləri alan həyat yoldaşının son vəziyyəti açıqlanıb.
Shimal.News xəbər verir ki, Şəfiqə Ələkbərovanın vəziyyəti hazırda ağır olaraq qalır. TƏBİB-in məlumatına görə, yaralı Kliniki Tibbi Mərkəzdən özəl tibb müəssisəsinə köçürülüb.
Hadisə yanvarın 25-də paytaxtın Xətai rayonu ərazisində baş verib. Abbas Əliyevin oğlu Emin Əlizadə uşaqlarının gözü qarşısında həyat yoldaşı Şəfiqə Ələkbərovaya 20 bıçaq zərbəsi vurub. Sonra Emin Əlizadə yaşadığı binanın 10-cu mərtəbəsindən 16-cı mərtəbəsinə qalxaraq bir müddət gözləyib. Hüquq-mühafizə orqanlarının əməkdaşları hadisə yerinə gəldikdən sonra isə o, özünü 16-cı mərtəbədən ataraq intihar edib.
