Şimal rayonlarında meyvə-tərəvəz qiymətləri Bakıdakı qiymətlərdən fərqlənir. Müxbirlərimiz bunu bugün, 10 iyul tarixində müəyyən ediblər.
Qusarda 1 kiloqram ərik, xiyar, pomidor, lobya və qarpız alıcıya orta hesabla 5 manata başa gəlir. Bakının bazar və supermarketlərində isə bu məhsulları almaq üçün ortalama 6 manat xərcləmək lazımdır.
Bakı və Şimal rayonlarında qiymət fərqi:
Ərik
Bakıda supermarketlərdə ərik 3,2 manata, bazarda isə 3 manata satılır. Qusarda 1 kiloqram ərik 2,25 manatdır.
Qarpız
1 kiloqram qarpız Bakının dükanlarında - 0,24, Qusarda isə 0,40 manatdır.
Xiyar
Bakıda 1 kiloqram xiyarın ortalama qiyməti 0,82 manatdır. Qusarda 0,70 manata başa gəlir.
Pomidor
Bakı supermarketlərində pomidorun 1 kiloqramı 0,86, Qusarda isə 0,73 manatdır.
Lobya
1 kiloqram lobya Bakıda təqribən 1,20 manata satılır. Qusarda isə 0,50 manata başa gəlir.
İyun ayında qida məhsullarının istehsalı üzrə 1,4% qiymətində ucuzlaşma müşahidə olunmuşdur. Lakin 7 iyulda yağan güclü yağış nəticəsində bağçalar və əkin sahələri su basmışdı. Satıcıların sözlərinə görə, yağışın fəsadları xiyar və lobyanın bahalaşmasına səbəb olub - qiymətlər təxminən iki dəfə artıb.
