Bəzi vətəndaşlar ünvanlı sosial yardım üçün müraciətlərlə bağlı cavabların gecikdirilməsindən şikayətçidirlər.
Xezerxeber.az-ın məlumatına görə, İsmayıllı sakinləri də eyni vəziyyətlə qarşılaşıblar. Onların sözlərinə görə, dəfələrlə müraciət etmələrinə baxmayaraq 1 aydan çox gözləməli olublar.
Dövlət Sosial Müdafiə Fondunun mətbuat katibi Rəşad Mehdili bildirib ki, sosial yardımın alınması üçün müraciətlər 15 (on beş) iş günü müddətində araşdırılır və sosial yardımın təyin olunması və ya təyin olunmasından imtina edilməsi barədə müvafiq qərar çıxarılır.
Əgər müavinətin təyin olunmasından imtina edilməsi barədə qərar qəbul edilərsə, səbəblər göstərilməklə müraciət edən şəxsə 5 gün müddətində rəsmi məlumat verilməlidir.
