Qubanın Qaraçay qəsəbə məktəbinin şagirdləri yanğınsöndürmə texnikasını öyrənib, ilkin yanğınsöndürmə vasitələrindən istifadə qaydalarını öyrəniblər.
Shimal.News xəbər verir ki, Fövqəladə Hallar Nazirliyinin təşkilatçılığı ilə Quba Rayon Yanğından Mühafizə Hissəsində "Açıq qapı günü" keçirilib.
Tədbirdə şagird və müəllimlər iştirak ediblər. Onlara yanğınsöndürənlərin gündəlik fəaliyyəti, ilkin yanğınsöndürmə vasitələrindən istifadə qaydaları barədə məlumat verilib. Əməkdaşların məşqlərindən bir hissə də nümayiş etdirilib.
Məktəblilər, həmçinin yanğınsöndürmə və qəza-xilasetmə texnikası ilə tanış olub, fövqəladə hallar zamanı təhlükəsiz davranış qaydalarını öyrəniblər.
