2014-cü ildən I Liqada mübarizə aparan “Zaqatala” futbol klubu yeni mövsümə də himayədarsız başlayacaq.
Sportinfo.az-ın məlumatına görə, TƏBİB-in icraçı direktoru Vüqar Qurbanovun səyləri heç bir nəticə verməyib.
Zaqataladan olan funksionerin doğma rayonunun təmsilçisinə sponsor tapmaq cəhdləri son anda boşa çıxıb. Onun danışıqlar apardığı şirkətlər kluba maliyyə dəstəyi vermək fikrindən vaz keçib.
Odur ki, “yaşıllar” dövlət tərəfindən ayrılan maliyyə yardımı ilə çıxışını davam etdirmək məcburiyyətində qalıb.
Bununla da, “Zaqatala”nın bütün planları pozulub. Görülməsi gündəmə gələn işlər qeyri-müəyyən müddətə kimi ertələnib.
