Əvəzedicilər Liqasının 9-cu turunda "Qəbələ-2" "Araz-Naxçıvan-2"ni 7:3 hesabı ilə məğlub edib.
Shimal.News xəbər verir ki, Binə qəsəbə stadionunda keçirilən görüşdə ilk yarıda "Qəbələ-2"nin heyətindən Ömər Kərimov, Qədir Ramazanov, Daniel Eşimoxay və Cuma Hüseynov fərqləniblər.Onlar rəqib qapısından dörd top keçiriblər.
Fasilədən sonra komandalar hərəsi 3 qol vurub. "Qəbələ-2"nin heyətindən Hüseyn Xasməmmədli, Qədir Ramazanov və Xəyyam Məmmədli, meydan sahiblərindən isə Cavid Paşa, Turan Fətullayev və Nihat Mehralıyev qol müəllifi olublar.
Beləliklə, 7:3 hesablı qələbə qazanan "Qəbələ-2" səfər oyunlarında ardıcıl beşinci dəfə qalib gəlib. 9 turdan sonra 25 xala malik komanda turnir cədvəlinə başçılıq edir.
