1-ci Liqa təmsilçisi "Zaqatala" peşəkar futbol klubu iddiasını artıra bilər.
Fanat.Az-ın məlumatına görə, maliyyə sıxıntısı yaşayan bölgə təmsilçisinin sponsor axtarışları nəticə vermək üzrədir.
Düzdür, hələki bu yöndə heç də hər şey dəqiqləşməyib, amma yaxın vaxtlarda "Zaqatala" azarkeşlərinin sevindirici xəbər eşitmək ehtimalı yüksəkdir. Sözügedən klubun sponsoruna qovuşandan sonra çempionluq uğrunda mübarizə aparacağı gözlənilir.
Xatırladaq ki, "Zaqatala" son mövsümdə 1-ci Liqadakı mübarizəni 5-ci pillədə başa vurub.
