“Xudat CİTY” Futbol Akademiyasının 1 yaşı tamam oldu.
Shimal.News xəbər verir ki, akademiyanın hal-hazırda 200-ə yaxın futbolçusu və 10 nəfər məşqçisi var.
Şimalın ilk akademiyası kimi qeydiyyatdan keçən təşkilatın prezidenti və təsisçisi Rafael Axverdiyevdir.
Bir il ərzində ilk öncə idman, futbol həvəskarları akademiyaya cəlb edilib, seminar və kurslara qatılıblar. U-12, U-13 və U-14 yaş qrupları üzrə liga oyunlarında çıxış ediblər.
İlk günlərdən İspaniyanın “Antiguoko” futbol akademiyasının Azərbaycan nümayəndəliyi ilə müqavilələr bağlanıb və qarşılıqlı təlim-məşqlər həyata keçirilib.
Sadalananlar görülən işlərin yalnız bir hissəsidir. Son aylarda Qusarın Mucuqoba kəndində standartlara cavab verən Region Liqası oyunlarının keçirilməsi üçün stadion təmir edilərək futbolçuların istifadəsinə verilib. Eləcə də Köhnə Xudat kəndində mini stadion tikilərək istifadəyə verilib.
Bu il müxtəlif yaş qruplarında 5 komandanın liqa oyunlarında iştirak edəcəyi planlaşdırılıb.
