Latviyanın paytaxtı Riqada cüdo üzrə veteranlar arasında Avropa Çempionatı keçirilib.
Shimal.News xəbər verir ki, Əslən Xızının Əngəlan kəndindən olan Qədir Qədirov 100 kq çəki dərəcəsində qızıl medal qazanıb.
Qədir Qədirov karyerasının ilk böyük nailiyyətini 2003-cü ildə İtaliyanın Kataniya şəhərində qazanıb. O, hərbçilərin Olimpiya Oyunlarında 3-cü yer tutub. Bir il sonra isə Bakıda təşkil olunan Hərbçilər Arasında Dünya Çempionatında qızıl medal qazanıb. 2005-ci ildə Hərbçilərin Dünya Çempionatında gümüş mükafata sahib olub. Bundan başqa Q.Qədirov böyüklər və gənclər arasında Azərbaycan çempionatında da qələbə qazanaraq müxtəlif beynəlxalq turnirlərdə fərqlənib. Onun məşqçisi Ruzbeh Vəliyev olub.
Bir zamanlar Cüdo üzrə milli komandamızın üzvü olan Qədir Qədirov 2008-ci ildən Ukraynada yaşayır və bu dövlətin adı ilə çıxış edir.
