Azərbaycanın tanınmış MMA döyüşçüsü, Xaçmazdan olan Vüqar Kərəmov növbəti qarşılaşmasına ciddi şəkildə hazırlaşır.
İdman.biz-in məlumatına görə, Tokioda keçiriləcək Rizin turnirində braziliyalı Koiki Kleberlə qarşılaşacaq:
"İki həftəlik intensiv Dağıstan toplanışından yeni qayıtmışam. Orada güclü rəqiblərlə sparrinq edərək Koiki Kleberlə döyüşə hazırlaşdım. Braziliyalıların əksəriyyəti kimi, rəqib çox güclüdür. Amma ümid edirəm ki, Yeni ilin ilk gününü qalib kimi, yüksək əhval-ruhiyyə ilə qarşılayacağam", – deyə Kərəmov vurğulayıb.
Onun sözlərinə görə, döyüş dekabrın 31-də, ilin son günündə Tokioda baş tutacaq.
