Vaxtilə Portuqaliyada legioner həyatı yaşamış hücumçu bundan sonra “Şimal”ın uğurları üçün çalışacaq.
Sportinfo.az-ın məlumatına görə, II Liqada yarışan “Dinamo”nun bombardiri Valeh Seyidov komandasından ayrılıb.
İllər öncə Azərbaycanın ən istedadlı gənclərindən hesab olunan hüçumçu Xaçmaz təmsilçisi ilə 4 aylıq müqavilə imzalayıb.
Çempionatın geridə qalan hissəsində 7 qol vuran Valehin “Şimal”ın yolunu tutması təsadüfi deyil. Çünki onun özü də əslən Xaçmazın Bostançı kəndindəndir.
Onun yaxın dostları da klubun rəhbərliyində yer alıb. Odur ki, Valeh atası Yaşar Seyidovun İdarə Heyətinin sədri olduğu “Dinamo”nu tərk edib.
