Quba-Xaçmaz Regional Gənclər və İdman İdarəsinin rəhbərliyi “Şahin” hərbi-idman oyununun zona birincisi olan Xaçmaz rayon Niyazabad kənd tam orta məktəbinin komandası ilə görüşüb.
Shimal.News xəbər verir ki, idarə rəisi Qumru Məmmədova və Gənclərlə iş sektorunun müdiri Mənsur Ağayev Niyazabad komandasını təbrik edərək, bu qalibiyyətdə əməyi olan hər bir kəsə öz təşəkkürünü çatdırıblar.
Görüşdə ənənəvi olaraq hər il keçirilən “Şahin” hərbi-idman oyununun yeniyetmə və gənclərin hərbi vətənpərvərlik tərbiyəsində müstəsna rol oynadığını, orta məktəb şagirdlərini hərbi-idman oyunlarına cəlb etməklə onların ordu sıralarına xidmətə hazırlanmasına kömək məqsədi daşıdığını bildirilib.
Natiqlər daha sonra yeniyetmə və gənclərin vətənpərvərlik tərbiyəsində hərbi-idman oyunlarının yeri və rolunun əvəzsiz olduğunu vurğulayıblar və komandaya “Gənclər Paytaxtı” Sumqayıt şəhərində keçiriləcək Respublika final mərhələsində uğurlar arzulayıblar.
