Xaçmazda yunan-Roma və sərbəst güləş üzrə 2010-2012-ci il təvəllüdlülər arasında U-15 zona birinciliyi keçirilib.
Shimal.News xəbər verir ki, yarışa Bakı, Sumqayıt, Abşeron, Siyəzən, Şabran, Qusar, Quba və Xaçmazdan ümumilikdə 14 komanda 10 çəki dərəcəsi üzrə qatılıblar.
Yarışda ümumilikdə 333 güləşçi - yunan-Roma növü üzrə 133, sərbəst güləş üzrə isə 200 idmançı iştirak edib.
Yarışın keçirilməsində məqsəd müvafiq yaş qrupu üzrə U-15 milli yığma komandasına formalaşdırılması üçün seleksiya işinin aparılması, həmçinin regionlarda yunan-Roma və sərbəst güləş idman növlərinə marağın artırılmasıdır.
