Xaçmazda "Sağlam bədəndə sağlam ruh" devizi altında turnir keçiriləcək. Bu haqda 21 aprel tarixində ShimalNews rayon Gənclər və İdman İdarəsinə istinadən məlumat verir.
Yeniyetmə və gənclər arasında kros və gimnastika növləri üzrə respublika birinciliyi Olimpiya İdman Kompleksində təşkil ediləcək. Yarışın proqramına müəyyən olunmuş marşrut üzrə 3000 m. məsafəyə kros qaçışı, gimnastika hərəkətləri daxildir. Hər növ üzrə 1-3-cü yerləri tutan idmançılar mükafatlandırılacaqlar.
Yarışda iştirak etmək istəyən 20-25 yaşlı gənclər linkdən istifadə edərək qeydiyyatdan keçə bilərlər.
