Xaçmaz rayonu Uşaq-Gənclər İnkişaf Mərkəzinin rəqs dərnəyinin üzvləri və Quba rayonu Rəhman Məmmədov adına Alekseyevka kənd tam orta məktəbinin şagirdi Ofeliya Ağayeva “Azeri Open Dance Championship” adlı beynəlxalq rəqs çempionatında uğurla iştirak ediblər.
Shimal.News xəbər verir ki, müxtəlif yaş və rəqs kateqoriyaları üzrə nəticələr aşağıdakı kimidir:
II qrup çıxışında – I yer;
I qrup çıxışında – II yer;
III fərdi çıxışda – I yer (2 nəfər) və II yer (1 nəfər).
Azərbaycan Rəqs Assosiasiyası və Azərbaycan Gənclər İttifaqının birgə təşkilatçılığı ilə keçirilən yarışda iştirakçılar səhnə mədəniyyəti, sinxronluq və bədii təqdimat baxımından yüksək nəticələr göstərərək diplom və medallarla təltif olunublar.
