Xaçmaz rayonunda futbol üzrə kütləvi idman tədbiri keçirilib. Bu haqda ShimalNews 22 aprel tarixində məlumat verir.
"İdman hamı üçün" layihəsi çərçivəsində təşkil edilən tədbir Olimpiya İdman Kompleksində baş tutub. 7-15 yaşlı 50 futbolçu məşqçi-müəllimlər Tural Cəlilov və Rəcəb Mahmudovun rəhbərliyi altında məşq keçiblər.
Gənclərə müəyyən taktiki gedişlər izah edilib, topla düzgün davranma və qəbul etmə, uzaq məsafəyə ötürmə, boş zonaya açılma, süni oyundankənar vəziyyət yaratma nümayiş edilib.
