AFFA-nın təşkilatçılığı ilə Qubada 12 yaşadək qızlar arasında “Bahar turniri” təşkil olunub.
Shimal.News xəbər verir ki, yarış Quba Olimpiya İdman Kompleksində keçirilir. Burada 8 yerli komanda mübarizə aparacaq. Qrup və final oyunları eyni gündə baş tutacaq.
İştirakçılar AFFA tərəfindən idman geyimi, top və gödəkçələrlə təmin olunub. Tədbirin sonunda qaliblər diplom, medallar və müxtəlif nominasiyalar üzrə mükafatlandırılacaqlar.
UEFA-nın dəstəyi ilə təşkil ediləcək “Bahar turniri” yarışının davamlı olaraq keçirilməsi planlaşdırılır. Layihənin baş tutmasında əsas məqsəd orta məktəb şagirdləri arasında sağlam həyat tərzinin düzgün şəkildə təbliği, futbola marağın artırılması, kütləviliyin təmin olunması, həmçinin gələcəkdə AFFA U-13 Qızlar Liqasına və milli komandalara futbolçuların hazırlanmasıdır.
