Gənclər və İdman Nazirliyi və Azərbaycan Atletika Federasiyasının təşkilatçılığı ilə 2008/2009-ci illər təvəllüdlü idmançılar arasında ölkə birinciliyinə start verilib.
Shimal.News xəbər verir ki, yarışda 190 atlet mübarizə aparır.
Paytaxt təmsilçiləri ilə yanaşı, Gəncə, Mingəçevir, İsmayıllı, Ordubad, Sədərək, Xızı, Quba, Xaçmaz, Astara, Gədəbəy və Bərdədən olan idmançılar qələbə uğrunda mübarizə aparırlar.
Ölkə birinciliyində müxtəlif məsafələrə qaçış, uzunluğa tullanma, üç təkanla tullanma, hündürlüyə tullanma, çəkic atma, lövhə atma, nizə atma və nüvə itələmə üzrə bu yaş kateqoriyalarında ən güclülərin kimliyinə aydınlıq gələcək.
Azərbaycan İdman Akademiyasının stadion kompleksi və AAF-ın Atma növləri üzrə bazasında keçirilən yarış 2 gün davam edəcək.
