Futbol çempionatının II Liqa XIX turunda keçirilən “Sheki City” – “Şahdağ Qusar” oyununda yaşananlarla bağlı AFFA-nın İntizam Komitəsi cəzaları açıqlayıb.
Shimal.News xəbər verir ki, “Sheki City” komandasının növbəti ev oyunu azarkeşsiz keçirəcək.
Matçın 55-ci dəqiqəsində “Sheki City” azarkeşləri tərəfindən rəqib futbolçulara kənar əşyalar atıldığına görə meydan sahibləri 80 manat cərimə edilib.
Azarkeşləri tərəfindən rəqib futbolçuların ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə “Sheki City” komandası 50 manat cərimələnib.
Görüş bitdikdən sonra təhlükəsizliyi düzgün təmin edilmədiyinə görə “Sheki City” komandası 400 manat cərimə olunub.
