Xaçmaz rayonu üzrə gənclər və idman sektorunun və Xaçmaz Olimpiya İdman Kompleksinin birgə təşkilatçılığı ilə “26 iyun - Silahlı Qüvvələr Günü”nə həsr olunan sərbəst güləş üzrə rayon birinciliyi keçirilib.
Shimal.News xəbər verir ki, Xaçmaz UGİŞM və Xaçmaz OİK komandaları 60 idmançı ilə birinciliyə qatılıblar.
2010-2012 təvəllüdlü güləşçilər 8, 2013-2015-ci il təvəllüdlülər isə 10 çəki dərəcəsində yarışıblar. Qarşılaşmalar gərgin və güzəştsiz idman mübarizəsi şəraitində keçib.
Mükafatçı yerlərin sahibləri Quba-Xaçmaz Regional Gənclər və İdman İdarəsinin diplomları ilə təltif ediliblər.
Yarışın keçirilməsində məqsəd sərbəst güləş idman növünün rayonda kütləviliyinin artırılması, perspektivli idmançıların aşkara çıxarılması və onları ölkə və beynəlxalq əhəmiyyətli yarışlara hazırlamaqdan ibarətdir.
