Misli Premyer Liqasında 2025/2026 mövsümü bu gün start götürəcək. Bu dəfə elitada 12 komanda mübarizə aparacaq. Yeni "futbol ili"nə ciddi hazırlaşan klublar yay "transfer pəncərəsi" dönəmində kifayət qədər fəal olublar. Bəs görəsən, komandalar çempionata neçə faiz hazırdılar? 2025/2026 mövsümündə hədəfləri nədən ibarət olacaq?
Report.az-ın məlumatına görə, "Şamaxı" futbol klubunun baş məşqçisi Ayxan Abbasov bildirib ki, büdcələrinə uyğun transferlər ediblər.
“İnanırıq ki, yeni transferlərimiz komandaya kömək edəcəklər. Çempionata neçə faiz hazır olduğumuzu konkret deyə bilmərəm. Amma oyundan-oyuna daha yaxşı formada olacağımıza inanıram. Bu mövsümdə də hədəfimiz Premyer Liqada yerimizi qorumaqdır", - deyə o əlavə edib.
