Mayın 4-ü saat 16:00-da Bakıdakı “ASK Arena” stadionunda (keçmiş Şəfa stadionu) mövsümün ən həyəcanlı qarşılaşmalarından biri baş tutacaq. İki iddialı komanda — “Şəfa” FK və “Şahdağ Qusar” FK çempionluq yolunda həlledici matça çıxacaqlar.
Shimal.News-un məlumatına görə, qarşılaşmanın əhəmiyyətini və azarkeş marağını nəzərə alan təşkilatçılar Qusar rayonundan gəlmək istəyən fanatlar üçün ödənişsiz avtobuslar ayırıblar. Qusar azarkeşləri üçün toplanış məntəqəsi Qusar Mərkəzi Meydanı (Rayon İcra Hakimiyyətinin qarşısı) olaraq müəyyən edilib və avtobuslar saat 10:00-da hərəkət edəcək.
Bakı şəhərində yaşayan azarkeşlər isə Ulduz metro stansiyasının çıxışında toplanacaqlar.
Avtobusla səfər etmək istəyənlərdən öncədən qeydiyyata düşmələri xahiş olunur. Bunun üçün aşağıdakı nömrələrlə əlaqə saxlamaq lazımdır:
📞 070 552 66 46
📞 070 383 38 40
Qeyd edək ki, bu oyun “Şahdağ Qusar” FK-nın çempionluq taleyinin həll olunacağı qarşılaşmadır. Klub və azarkeşlər üçün tarixi əhəmiyyət daşıyan bu gündə izdihamlı dəstək gözlənilir.
