Qubalı gənc Türkiyə Respublikasının İstanbul şəhərində intihar edib.
Bu barədə Shimal.News-a onun yaxınları məlumat veriblər.
Əslən Quba rayonunun Bağbanlı kəndindən olan 29 yaşlı Xanbaba Daşdı Novruz oğlu özünü 8-ci mərtəbədən ataraq həyatına son qoyub. Hazırda mərhumun nəşinin Azərbaycana gətirilməsi istiqamətində işlər görülür.
Qeyd edək ki, Xanbaba Daşdı bir müddət əvvələdək Qubada fəaliyyət göstərən “Şahdağ” futbol klubunun prezidenti olub.
Yaxınlarının bildirdiyinə görə, onun xeyli miqdarda borcu var imiş. Bu səbəbdən ölkəni tərk edərək İstanbulda yaşayıb.
Mərhum subay idi.
Faktla bağlı araşdırma aparılır.
