Şabran şəhəri Heydər Parkında Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun təşkilatçılığı ilə 20 Yanvar – Ümumxalq Hüzn Gününə həsr olunmuş yeniyetmə, gənclər və kişilər arasında qol güləşi idman növü üzrə Şabran rayon çempionatı keçirilib.
Shimal.News xəbər verir ki, 20 Yanvar faciəsinin 35-ci ildönümünün qeyd edilməsi, rayonda idmanın kütləviliyinə nail olunması, idmanın bu növünə yeniyetmə və gənclərin marağının artırılması, perspektivli idmançıların aşkar edilməsi və gənclərin asudə vaxtının səmərəli təşkil olunması məqsədilə keçirilən yarışda 45 nəfər həvəskar idmançı iştirak edib.
Gərgin idman mübarizəsi şəraitində keçən yarışın sonunda qalib idmançılar Quba-Xaçmaz Regional Gənclər və İdman İdarəsinin müvafiq dərəcəli diplom və medalları ilə təltif olunublar.
