Qusarlı idmançı Azər Əsgərov cüdo üzrə Dünya çempionatında qızıl medal qazanıb. Bu haqda ShimalNews 2 noyabr tarixində Gənclər və İdman İdarəsinə istinadən məlumat verir.
Yarış Əbu-Dabidə veteranlar arasında keçirilib. İlk medalı Azər Əsgərov(100 kq) götürüb.
Ümumilikdə Azərbaycan dünya çempionatında 50 cüdoçu ilə təmsil olunur. Komandamız dəfələrlə dünya və Avropa çempionu Fərhad Rəcəblinin rəhbərliyi altında çıxış edir.
Azər Əsgərov Azərbaycan cüdo Veteranları Assosiasiyasının prezidenti, usta cüdoçular arasında dünya və Avropa çempionatlarının dəfələrlə qalibi və mükafatçısı, “Judo Club 2012” İctimai Birliyinin sədridir.
Daha öncə həmin yarışda qusarlı idmançı Fərhad Rəcəblinin (90 kq) 11-ci qızıl medalını qazandığı haqda xəbər vermişdik.
