15 İyun – Milli Qurtuluş Günü münasibətilə Qusar Olimpiya İdman Kompleksində qol güləşi və "strict curl" idman növləri üzrə açıq turnir keçirilib.
Shimal.News xəbər verir ki, yarışda Qusar, Quba, Xaçmaz və Şabran rayonlarını təmsil edən idmançılar güclərini sınayıblar.
Müxtəlif çəki dərəcələrində iştirakçılar güc, çeviklik və texniki bacarıqlarını nümayiş etdiriblər.
Turnirin sonunda müxtəlif kateqoriyalar üzrə I, II, III yerlərin qalibləri müəyyən edilərək, diplom və medallarla təltif olunub.
