Quba-Xaçmaz Regional Təhsil İdarəsinin tabeliyində fəaliyyət göstərən Qusar rayonunun ümumtəhsil məktəbləri arasında 2 Fevral - Gənclər Gününə həsr olunan intellektual yarışın rayon mərhələsi keçirilib.
Shimal.News xəbər verir ki, yarışda rayonun ümumtəhsil məktəblərinin X-Xl sinif şagirdlərindən ibarət 6 komanda mübarizə aparıb.
Gərgin və maraqlı keçən mübarizənin sonunda Qusar şəhər Elxan Güləliyev adına 2 nömrəli tam orta ümumtəhsil məktəbinin komandası 1-ci, Qusar şəhər Bəhruz Ağaverdiyev adına 1 nömrəli tam orta ümumtəhsil məktəbinin komandası isə 2-ci yerə layiq görülüb.
