Qusar şəhərində üzgüçülük üzrə idman yarışı keçirilib. Bu haqda ShimalNews 9 oktyabr tarixində Quba-Xaçmaz Regional Gənclər və İdman İdarəsinə (Gİİ) istinadən məlumat verir.
Turnir Olimpiya İdman Kompleksində baş tutub. Tədbir müəssisənin yaranmasının 15-ci ildönümünə həsr olunub. Burada Gİİ-nin rəisi Nəcəf Novruzov, kompleksin direktoru Elşən Məmmədov, rayon üzrə gənclər və idman sektorunun müdiri Emil Əmirmətov və digər İdman ictimaiyyətinin nümayəndələri iştirak ediblər.
Yarışa 8 yaş qrupu üzrə 70 həvəskar üzgüçü qatılıb. Qaliblər diplom və medallarla təltif ediliblər.
