Qusar rayonu kəndlərarası çempionatın qalibi İmamqulukənd komandası olub. Bu haqda ShimalNews 22 iyun tarixində məlumat verir.
Qusar rayon birinciliyinin final oyunu Köhnə Xudat kənd futbol meydançasında keçirilib. Aşağı Ləyər komandası və İmamqulukənd kənd futbol komandalarının matçını izləməyə Quba-Xaçmaz Regional Gənclər və İdman İdarəsinin rəisi Nəcəf Novruzov, Qusar rayonu üzrə Gənclər və İdman Sektorunun müdiri Emil Əmirmətov, idarənin və sektorun əməkdaşları, Köhnə Xudat kənd Bələdiyyə nümayəndələri, 2000 nəfərdən yuxarı tamaşaçılar gəliblər.
Görüşün nəticəsində İmamqulukənd kənd futbol komandası I yer, Aşağı Ləyər futbol komandası II yer, Monalit futbol komandası isə III yeri tutub.
Məhərrəmov Seymur - Aşağı Ləyər komandasının qapıçısı turnirin ən yaxşı qapıçısı adına layiq görülüb, yarışın baş hakimi Qonaqov Vüqar hədiyyə ilə, Abdullayev İlqar isə təşəkürnamə ilə təltif olunublar.
