Polşada keçirilən III Avropa Oyunlarında Qubadan olan taekvondoçu Səyyad Dadaşov gümüş medal qazanıb. Bu barədə ShimalNews 24 iyun tarixində “Azərtac”a istinadən məlumat verir.
“Avropa Oyunları kimi yarışda finaladək irəliləmək böyük uğurdur. Qalib gəlməyi çox istəyirdim. Buna yaxın idim. Amma son 8 saniyədə hakimin səhvi ucbatından qızıl medalsız qaldım”, - deyə Səyyad bildirib.
Bütün bunlara baxmayaraq, idmançımız ruhdan düşmür. O, daha yaxışı hazırlaşıb, növbəti yarışlarda qızıl medal qazanmalı olduğunu arzulayır.
Polşada keçirilən III Avropa Oyunları iyulun 2-dək davam edəcək. Burada 48 ölkədən 7.000-ə yaxın idmançı mübarizə aparır. Azərbaycan "Krakov 2023"də 13 növdə 86 idmançı ilə təmsil olunur.
