26 fevral Xocalı soyqırımının 33-cü ildönümünə həsr olunan U-15 kiçik yaşlı yeniyetmə oğlan və qızlar arasında cüdo idman növü üzrə Quba rayon açıq birinciliyi keçirilib.
Shimal.News xəbər verir ki, yarışın açılışında Quba-Xaçmaz Regional Gənclər və İdman idarəsi İdman sektorunun əməkdaşları, cüdo üzrə məşqçilər, idmançılar və valideynlər iştirak ediblər.
Yarışda Bakı şəhəri, Şabran, Quba, Qusar və Xaçmaz rayonlarından 200-dən artıq cüdoçu 20 çəki dərəcəsində mübarizə aparıb.
Yarışın sonunda idmançılar müvafiq dərəcəli diplom və medallarla mükafatlandırılıblar.
