Quba rayonunun II Nügədi kəndində “Qələbə İdman Klubu”nun açılış mərasimi keçirilib. Bu haqda ShimalNews 1 avqust tarixində məlumat verir.
Açılış mərasimində Quba-Xaçmaz Regional Gənclər və İdman İdarəsinin rəis müavini Mustafa Nuhbalayev, idarə əməkdaşları, məşqçilər, idmançılar, valideynlər iştirak ediblər.
M.Nuhbalayev nitqində bildirib ki, idman klublarının Vətənimizin bütövlüyü uğrunda canından keçmiş şəhidlərimizin adını daşıması orda məşq edən idmançıların üzərinə ikiqat məsuliyyət qoyur, belə klubların açılması idmançılarımızın ölkəmizin bayrağını yüksəklərə qaldırmaqla yanaşı, gənc nəslin idmana cəlb olunmasına, onların zərərli vərdişlərdən uzaq olmasına böyük töhfə verəcək və digər şəhidlərimizin xatirəsinin əbədiləşdirilməsi üçün yeni idman klubları istifadəyə veriləcək.
