Quba Olimpiya İdman Kompleksində regional Gənclər və İdman İdarəsinin (Gİİ) rəhbərliyi tədbir keçirib. Bu barədə ShimalNews 14 dekabr tarixində məlumat verir.
Görüşdə Quba-Xaçmaz Regional Gİİ-nin rəisi Nəcəf Novruzov, Quba Olimpiya İdman Kompleksinin direktoru Cavid Seyidov, rayon üzrə fəaliyyət göstərən idman qurğularının rəhbərləri, hakimlər və məşqçilər iştirak ediblər.
Bu zaman Qubanın 2024-cü il üçün “İdman Paytaxtı” seçilməsi ilə əlaqədar keçiriləcək tədbirlərin, yarışların, turnirlərin müzakirəsi aparılıb. Eləcə də gənclərin idmana cəlb olunması tədbirləri, təkliflər müzakirə olunub, idman ictimaiyyətini maraqlandıran suallar cavablandırılıb.
