Quba şəhərində Avropa İdman Həftəsi çərçivəsində “Beactive” idman əyləncə yarışları keçirilib.
Shimal.News məlumat veriri ki, burada Abşeron-Xızı Regionundan olan 140-a yaxın həvəskar idmançılar müxtəlif idman növlərində gücünü sınayıb.
Yarışların ilk günü Sumqayıtın qızlardan ibarət voleybol komandası birinci, Abşeron qızları isə ikinci yeri tutub.
29 oktyabr tarixində “Kids atletica” üzrə keçirilən yarışlarda uzunluğa tullanma və estafet yarışında “Abşeron” komandası birinci olub. “Xızı” komandası çarpaz tullanma və nizə atma yarışlarında müvafiq olaraq ikinci və üçüncü yeri tutub.
3x3 basketbol üzrə yarışlarda Abşeronun qızlar və oğlanlardan ibarət komandası birinci olub.
Turnirin 3-cü günü üzgüçülük yarışlarında Sumqayıt komandasının 2014-2015-ci il təvəllüdlü idmançıları Nərmin Ramazanova, Nihad Həsənli birinci, Leyla Həsənli ikinci, 2012-2013-cü illər arasında isə Nihad Abdullayev birinci yeri tutub.
Abşeron idmançıları Məcid Məmmədzadə, Əli Muradlı və Mehdi Səmədli 2010-2011-ci il təvəllüdlü oğlanlar arasında müvafiq olaraq birinci, ikinci və üçüncü yerləri tutublar.
Yarışların sonuncu günü Sumqayıt stolüstü tennisçiləri Saleh Hümbətov oğlanlar arasında ikinci, qızlar arasında Sofiya Tramenka və Zəhra Məmmədli müvafiq olaraq birinci və ikinci yerləri tutub.
Xızı komandasını təmsil edən 2014-cü il təvəllüdlü Ayşə Vəlili və Günel Əlizadə atletika yarışlarında qızlar arasında 800 metr məsafəyə kross qaçışı üzrə birinci və ikinci yerə layiq görülüblər.
2009-2010-cu il təvəllüdlü oğlanlar arasında 1500 metr məsafəyə qaçış üzrə yarışda Alişan Verdiyev birinci olub.
