Qubada Yunus Emre İnstitutunun təşkilati dəstəyi ilə yeniyetmə və gənclər üçün “Ənənəvi Türk Oxçuluğu” kursları açılıb.
Shimal.News xəbər verir ki, şimal bölgəsində yaşayan 9-18 yaş arası yeniyetmə və gənclər 3 aylıq Ənənəvi Türk Oxçuluğu kurslarında iştirak edirlər.
Dərslər peşəkar türk oxçuluğu müəllimi Eltən Törəçi tərəfindən həftədə 2 dəfə olmaqla 120 dəqiqə keçirilir.
Qeyd edək ki, kursu uğurla bitirən iştirakçılara sertifikatlar təqdim ediləcək, həmçinin Azərbaycanda və xaricdə keçiriləcək ənənəvi oxçuluq festivallarında da iştirak edə bilmək şansı qazanacaqlar.
