Azərbaycan Cüdo Federasiyası, Azərbaycan İdman Akademiyası və Böyük Britaniyanın Hertfordşir Universiteti arasında imzalanan üçtərəfli anlaşmaya əsasən, Qubada cüdo məşqçiliyi ixtisası üzrə təhsil alan tələbələr üçün xüsusi tədris proqramı başlayıb.
Shimal.News xəbər verir ki, yerli cüdo mütəxəssislərindən Orxan Səfərov “Cüdo üzrə təlimatçının rolu və məsuliyyətləri”, britaniyalı ekspert Bob Çallis isə “Cüdoda sağlamlıq və təhlükəsizlik” mövzusunda seminarlar keçiblər.
Bundan əlavə, Hertfordşir Universitetinin professoru Mayk Kallenin rəhbərliyi altında praktiki məşqlər də təşkil olunur.
Təşəbbüsün əsas məqsədi cüdo məşqçiliyi üzrə təhsil alan tələbələrin beynəlxalq standartlara uyğun bilik və bacarıqlarla təmin edilməsidir.
Hazırda proqramda 60-dan artıq tələbə iştirak edir.
