Ötən mövsüm "Şəmkir" futbol komandasının formasını qeyinən, 2-ci Liqada 31 qol müəllifi olan bombardir Vidadi Cəfərovun yeni komandası müəyyənləşmək üzrədir.
Fanat.az-ın məlumatına görə, bu barədə futbolçu özü məlumat verib.
Qərb təmsilçisindən ayrılan forvard 2-ci Liqa çıxış edən "Quba" ilə danışıq aparır. Tərəflər indilik müqavilə şərtləri ilə bağlı tam razılığa gəlməsələr də, bunun baş vermək ehtimalı az deyil.
Xatırladaq ki, ötən mövsüm "Hypers Guba" adı ilə çıxış edən “Quba” 51 xalla 4-cü, "Şəmkir" isə 50 xalla 5-ci yerdə başa vurub. "Hypers Guba" 1-ci Liqa klubu "Difai"yə pley-off matçında uduzaraq 2-ci Liqada qalıb.
