31 Dekabr – Dünya Azərbaycanlılarının Həmrəyliyi Gününə həsr olunan tədbirlər çərçivəsində Quba-Xaçmaz Regional Təhsil İdarəsinin tabeliyində olan ümumi təhsil müəssisələrində fəaliyyət göstərən voleybol dərnək qruplarının şagirdləri arasında yarış keçirilib.
Shimal.News xəbər verir ki, yarışda Quba-Xaçmaz Regional Təhsil İdarəsinin tabeliyində olan Quba, Qusar, Xaçmaz, Şabran və Siyəzən rayon ümumtəhsil müəssisələrində idman profilli dərnək qruplarında təhsil alan VII-XI sinif şagirdlərindən (oğlanlar və qızlar) ibarət komandalar iştirak edib.
Yarışın nəticələrinə görə oğlanlardan ibarət komandalar arasında Qusar Rayon Bədişqala kənd tam orta ümumtəhsil məktəbi I yerə layiq görülüb.
